مشروع آزادي
نصنع مستقبلنا بحرية وأبداع
سامر عساقلة - مؤسس المشروع
بساعدك تتحرر من الضياع المهني وتلاقي وضوح
بخبرة اكثر من 10 سنوات ساعدت مئات الاشخاص في استكشاف طريقهم/ن المناسب.
المميز بمشروع آزادي انه بآمن بكل شخص وبالخاصيّة تبعته. مع اني مرقت كتير محاضرات وورشات، بس مشروع آزادي الوحيد اللي اعطاني أدوات عمليّة بتلائمني بشكل شخصي ومنفرد ومش قوانين عامّة، ولهيك هو مش بس ساعدني لأكتشف شغفي وقوتي، كمان ساعدني لأتعرف على مخاوفي وحواجزي، وأبني خطة عمل وأبدا أشتغل لتحقيق ذاتي.
د. تالا خازن
ما هي النتائج المتوقعة من جلسة الاستشارة؟
جلسة الاستشارة غالبًا بتكون أوضح نقطة تحول مهنية بمرّ فيها الشخص من فترة طويلة. معظم الناس بيطلعوا وبيحكوا على نتائج ملموسة منها:
فهم لقيمك ورغباتك الحقيقية
قراراتك المهنية بتصير نابعة من مكان أصيل مش من ضغط مجتمع، ولا رضا الآخرين، ولا إحساس بالدونية.
خف التردد وضحت القرارات
التردّد عادة مش لأنك مش عارف…
بل لأن الصورة مش كاملة.
بعد ترتيب الأفكار والعوامل، القرار بصير أسهل وأخفّ.
وضوح عميق وترتيب للافكار
بتفهم لأول مرة “شو المشكلة فعليًا”.مش بس شو اللي ظاهر… بل الجذر النفسي أو العملي اللي كان يوقفك أو يعطلك بدون ما تنتبه.
خارطة واضحة للمرحلة الجاي
أحيانًا الطريق اللي بدك إياه موجود… بس محتاج زاوية نظر مختلفة.
الجلسة بتفتح احتمالات جديدة، حقيقية، ومبنية على قدراتك الفعلية.
إعادة الثقة بقدرتك على التغيير
لما تشوف الصورة كاملة، ويفهم شخص محترف قصتك بعمق… بتحس تلقائيًا إنه أنت قادر/ة تتحرك، وإن الموضوع مش مستحيل مثل ما كان ببالي.
إحساس بالراحة
كثير ناس بيحكوا إنهم لأول مرة بحسّوا إن “الضغط خفّ”، أو إنهم قادرين يشوفوا طريق بدل دوامة التفكير اللي ما بتنتهي.
خارطة واضحة للمرحلة الجاي
مش خارطة حياة كاملة، لكن خارطة مرحلة، والمرحلة هي أهم شيء، لأنها بوابة كل شيء بعده..
فهم خطواتك القادمة
بتطلع من الجلسة ومعك خطوات محددة، ممكنة، ومناسبة لحياتك مش
“general advice” أو كلام مطاطي.
تهدئة الخوف من المستقبل
الخوف ما بروح… لكن بتعرف تتعامل معه. وبتقدر تفرّق بين الخوف اللي بحميك والخوف اللي بعطّلك.
لمين الجلسات مناسبة؟
-
للاشخاص الي حاسين ضياع ومش متأكدين شو الخطوة الصح، او خايفين ياخذو قرارات.
-
اللي بدهم يفهموا جذور تحدياتهم مش بس أعراضها
-
اللي بدهم بداية جديدة أو تحديث لمسارهم الحالي
لمين الجلسات غير مناسبة؟
-
اللي بدهم حدا يقرّر عنهم بدل ما هم يقرّروا
-
اللي ما عندهم استعداد يكونوا صريحين مع حالهم
-
اللي بدهم نصائح عامة بدون رغبة في التغيير الحقيقي